طريقة استخدام الهايلايتر

الهايلايتر هو بودر فيه لمعة، ممكن تبقى على لون شامبين أو دهبي أو روز دهبي أو برونز، واستخدام الألوان دي بيكون على حسب درجة البشرة.

اختيار لون الهايلايتر

يعني لو البشرة بيضاء يكون لون الهايلايتر على شامبين أو روز، لكن لو البشرة سمراء يكون على لون برونز، بحيث أن ميكونش في مناطق في الوش غامقة فتدي إحساس أنها مش نضيفة.

طريقة وضع الهايلايتر

الأحسن أنك تستخدمي فرشاة صغيرة وأنتي بتحطي الهايلايتر، لأنه لو اتحط على الوش بكمية كبيرة هيبان كأن الوش عرقان.
بناخد شوية هايلايتر بالفرشاة وبنحط على عضمة الخد من فوق، وممكن كمان نحطه على جسر الأنف، وعلى طرف الشفايف، وممكن فوق الحواجب خفيف أوي.
أكتر مكان بنحط فيه هايلايتر كتير هو عضمة الخد، ويفضل أنك متحطيش هايلايتر كتير الصبح، عشان ميبقاش بيلمع مع ضوء النهار.