في لبس رمضان وكذا ستايل ينفع نلبسه زي ستايل الجلابية أو التوب، مريح جداً أننا نلبسه في فطار أو سحور، وخصوصاً أننا بعد الأكل بطننا بتنتفخ، كمان شكله تحسي فيه بروح رمضان جداً. كمان الحاجات الهندي أو الأفريقي بتبقى موضة جداً، وبتدي كمان روح رمضان، وفيه كمان في تصميماتنا توب استوحيناه من الجلبية الخليجي وضيفنا عليه اللمسة النسائية، والاستايل ده عملي جداً، وممكن كمان تروحي به الشغل عادي جداً.
لبس رمضان
العباية المفتوحة بتناسب المحجبات واللي مش محجبات، وممكن تلبسيها في الفطار أو السحور، وتلبسي تحتها توب سادة مفهوش أي تفاصيل، على حسب لون العبايا، وممكن تلبسي بطلون جينز أو بنطلون أسود، وللمحجبات ممكن تلبسها مقفولة أو مفتوحة، وممكن كمان تلبسها في صلاة التراويح بدل الإسدال، وتحطي لها طرحة، وتقدري تقلعيها بسهولة عن الإسدال. وفيه الاستايل المقفول الواسع ومناسب أكتر سيدات أكبر في العمر، ومكتوب عليها لغة من على الوش اسمها لغة التضادات أي المعني وضده. وفيه العبايات الكيمونو ودي ممكن تلبسيها على فستان تحتها، أو ممكن تلبسيه على جينز وتوب، وبرده العبايات المفتوحة اللي واخدة ستايل مغربي.
