الكوليسترول والدهون الثلاثية مشكلة بتواجه كتير الناس وهي زيادة أو ارتفاع نسبة الدهون في الدم. فيه حاجة مهمة لازم نكون عارفينها أن ارتفاع الكروليسترول أو الدهون الثلاثية في الدم دي بداية غير موفقة، لأنها بتترسب بسهولة جداً في الشرايين، وترسبها في الشرايين بيسبب ضيق الشريان على المدى البعيد، وارتفاع ضغط الدم، ومشاكل خطيرة جداً في القلب على المدى البعيد. والمشكلة دي بتواجه بشكل أكبر الرجال عن الستات، لأن الستات بعد انتهاء الدورة الشهرية بيكون عندهم هرمون الاستروجين اللي بيحمي شراينهم أطول وقت ممكن، بيبدأ ترسيب الدهون في شراينهم بعد ما الدورة تنقطع تماماً، وده معناه أن المشكلة دي بتبتدي تواجه الستات بعد سن الخمسين، لكن الرجالة بتترسب الدهون في شرايينهم من أول يوم بتولدوا فيه.
إزاي ناكل أكل يقلل الكوليسترول؟
فيه أصناف كتير جداً بتمنع ترسب الدهون في الشرايين زي: الشاي الأخضر، الشوفان، واللوز وعين الجمال النئ بيقللوا نسبة الكروليسترول في الدم، لازم نركز في أكلنا دائماً على النشويات المركبة، ونبعد عن السكريات البسيطة، لأن ارتفاع الدهون الثلاثية مش بيسببه تناول الأطعمة المقلية فقط، لكن المعجنات كمان بترفع الدهون الثلاثية بنسبة عالية. حاولي كمان تستهلكي البصل والتوم في أكلك بشكل كبير لأنه بيقللوا نسبة الكروليسترول في الدم، ونحاول قدر الإمكان أننا نتحرك عشان نزود الكروليسترول المفيد اللي بيقاوم تأثير الكروليسترول الضار على الجسم، كمان نمنع التدخين بالتدريج، لأنه من أخطر الحاجات اللي بتزود نسبة الدهون في الدم.
