استخدامات حقن البلازما متعددة، ويعتبر حقن البلازما من أهم التقنيات اللي بتستخدم في عمليات التجميل، واللي أطباء كتير بيفضلوا يلجأوا له عن حقن الميزوثيرابي كمان، والبلازما مش تقنية جديدة ظهرت من أكتر من 6 سنين، ومميزاتها أنها بيتم استخراجها من الجسم وإعادة حقنه بها، وبالتالي مش هيسبب وجودها في الجسم أي مشاكل أو يحصل تفاعلات بينها وبين الجسم، أو رد فعل.
أيه هي البلازما؟
والبلازما هي أحد مكونات الدم، وهي السائل الأصفر اللي فيه كرات الدم البيضاء والحمراء، وبيتم استخراجهم من البلازما، وبيتبقى البلازما وعايمة عليها الصفائح الدموية.
واستغل الأطباء البلازما في إعادة حقنها في مناطق معينة في الجسم لتنشيط الدورة الدموية وإزالة آثار العجز، وعشان يحسنوا حالة الشعر، ولكن كانت النتائج الغير مرضية، لأن البلازما كان فقيرة في الصفائح الدموية.
وتوصلوا أن الصفائح الدموية في البلازما لازم يتعملها نوع من التنشيط والتكبيس عشان تقوم بوظيفتها في إنتاج الكولاجين، وبالفعل بعد استخراج البلازما بيقوموا بتكديس الصفائح الدموية فيها واللي بتوصل لـ 7 أو 8 مليون خلية بدل ما كانت 300 أو 400 ألف، وبكدة بتكون البلازما غنية في الصفائح الدموية.
استخدامات حقن البلازما
يستخدم حقن البلازما في تنشيط الجلد، وبالتالي ممكن نستخدمها كمضادات للعجز، وإزالة التجاعيد ونضارة الوجه، وتحسين حالة البشرة.
ممكن نحسن بها حالة الشعر، وفي حالات علاج تساقط الشعر بسبب الصلع الذكوري، نقدر كمان نستخدمها في علاج حالات قرحات الفراش،
بيتم إجراء حقن البلازما على عدد من الجلسات، وممكن توصل لـ 6 جلسات في علاج الشعر، النتائج ممكن تظهر من أول جلسة، لكن عشان تستمر أطول فترة ممكنة لازم يتم إعادة الحقن على عدد من الجلسات.
