طريقة عمل الحواوشى من أجمل الأكلات السهلة والبسيطة والمحببة عند الجميع عبارة عن عيش ولحمة وممكن تضيفي عليها اكتر من نكهة جبنه بأكثر من نوع أو تبدلي اللحمة بسجق أو بيض ممكن تعمليها بعيش عادي بلدي أو عيش شامي أو عجينة مخصوصة لعمل الحواوشي أكله سهلة وبسيطة ومكونتها مش مكلفة وممكن تعملي جمبها احلي طبق سلطة أو بطاطس محمرة بالكاتشب.
طريقة عمل الحواوشى الاسكندرانى
المكونات :
- نص كيلو لحمة مفرومة
- بصلتان كبيرة مبشورة
- معلقة ك ملح
- معلقة ص فلفل اسود
- نص معلقة بهارات مشكلة
- نص معلقة شطة “حسب الرغبة”
- نص معلقة بهارات حواوشي من العطار
- حبتان فلفل أخضر
- 4 كوبيات دقيق
- معلقتان ك خميرة
- رشة ملح متوسطة
- معلقتان ك سكر
- نص كوباية سمنة
- كوب ماء دافئ
- كوب لبن دافئ
طريقة التحضير :
- قومي بغسل وتقشير البصل وغسلة جيدا وتقطيع إلى قطع متوسطة الحجم وقومي بفرمها أن لم يكن هناك مفرمة قومي بتقطعيها قطع صغيرة الحجم أو بشر البصل بالمبشرة.
- هاتي اللحمة المفرومة في طبق، وضعي البصل المبشور وأغسلي الفلفل قطع صغيرة جدا علي اللحمة والبصل، ثم ضعي البهارات والملح والفلفل الأسود والشطة لو حابة وادعكي اللحمة جيدا واتركيها ساعتين.
- هاتي طبق اخر عميق لعمل عجينة العيش، وحطي الدقيق وحطي الخميرة والسكر ورشة الملح على بعض وقلبي كويس جدا العجينة حتي يتم التجانس وتصبح عجينة واحدة طرية.
- ضعي السمنة بعد ما تذوب أو الزيت علي العجينة وقلبيها كويس جدا، وبعدين حطي اللبن الدافئ واعجني تاني كويس حتى تصبح عجينة ثم اضع كوب الماء الدافئ تدريجيا حتى تكون عجينة متماسكة واعجني بايدك كويس جدا.
- حطي العجينة تخمر لمدة ساعة في مكان دافي، بعد ما تقلبيها كويس وتحطي كل مكونات العجينة والملح والخميرة أيضا وغطي العجينة بقطعة قماش. ممكن تحمر بطاطس او تغسلي المواعين لحد ما العجينة تخمر واللحمة تتبل.
- قطعي العجينة بعد التخمير الي قطع صغيرة، وحطيها على صينية بس سيبي مسافات بينهم، سخنى الفرن درجة 200 ، ونسيب العجينة شوية تخمر تانى، هاتي صينية وادهنيها زيت والنشابة ايضا ادهنيها .
- هاتي صينية ولفيها بورق القصدير ونسمح بيها بشوية زيت، و نفرد كرات العجينة علي سطح متساوي، افردي العجينة وحطي عليها اللحمة في النص وهاتي طرف العجينة الاخر علي الاول وقطعي الزيادة بالسكينة.
- اقفلي الاطراف كويس بالضغط عليها بالشوكة، ونضعها في الصينية المجهزة للفرن وبالشوكة اصنعي فتحات صغيرة من فوق العجينة، ودخليها الفرن لحد ما يستوى وبألف هنا.
طريقة عمل الحواوشى بالبيض
المكونات :
- حبتان من البيض
- حبة طماطم متقطعة
- زيتون مخلل مخلي أو أخضر
- واحد فلفل رومي أخضر
- واحد فلفل رومي ألوان
- حبة بصلة متوسطة
- عيش بلدي ،
- ربع معلقة ص ملح
- ربع معلقة ص فلفل
- معلقة جبن موزاريلا
- جبنة رومي مبشورة
- معلقة زيت أو زبدة
طريقة التحضير :
- هاتي الفلفل الأخضر والرومي والطماطم اغسليهم كويس، وقطعيهم قطع صغيرة جدا، وهاتي البصل قشريها واغسليها وممكن تبشريها أو تقطعيها قطع صغيرة جدا في الحجم.
- هاتي طبق واكسري البيض في الطبق وحطي علية الملح والفلفل وقلبي كويس جدا، وممكن تحطي رشة بهارات وقلبي جيدا.
- وضعي الفلفل والبصل والطماطم التي قمتي بتقطعيهم، في الطبق مع البيض والملح وقلبي الخليط جيدا حتي يتجانسوا.
- هاتي العيش وافتحي فتحة صغيرة جدا من العيش، ثم ضعي الخليط بحرص شديد ووزعية في العيش كويس بمعلقة أو بإيدك.
- سخني الزيت أو الزبدة في طاسة تيفال أو سيراميك، عشان العيش مش يلزق فيها، وبعد التسحين حطي العيش في الزيت.
- بعدها قلبي العيش ع الوجة الاخر حتى يتم تسوية البيض في العيش ويصبح لون العيش ذهبي،
- وكرري هذا حتى ينتهي العيش كله، وقدمية مع المخلل والبطاطس المحمرة.
طريقة عمل الحواوشى باللحمة المفرومة
المكونات :
- نصف كيلو لحم مفرومة
- 6 أرغفة عيش بلدى
- بصلتان متوسطة متقطعة
- 2 طماطم متوسطة
- نص حزمة بقدونس أخضر مفرومة
- شطة “حسب ما ترغبي”
- نقطة خل
- حبة فلفل أخضر متقطعة
- ملعقة ص ملح
- رشة متوسطة من الفلفل أسود
- رشة زنجبيل
- رشة كمون
- نصف ملعقة صغيرة بهارات لحم من العطار
- ورق زبدة
- خيار
طريقة التحضير :
- هاتي البصل وقشريها واغسليها كويس، وبعدين ابشريها في طبق، وصفيها من مياه البصل اللي اتكونت بعد البشر، وهاتي الطماطم والفلفل أغسليهم كويس وقطعيهم مكعبات صغيرة، وهاتي البقدونس اغسلية وقطعية.
- هاتي اللحمة المفرومة وحطي عليها البهارات والتوابل والجنزبيل والملح والفلفل والشطة والخل والبقدونس والكمون وقلبي كويس الخليط عشان الملح يتوزع على اللحمة كويس.
- حطي البصل والطماطم والفلفل على اللحمة المفرومة والتوابل وقلبيهم كويس جدا ودوقي اللحمة لو محتاجة ملح حطي ملح تانى بس مش كتير وحطيها في علبة او غطيها كويس وحطيها في التلاجة طول الليل.
- هاتي العيش البلدي الصابح من الفرن ممكن تعملي الرغيف كامل او تقطعية نصين او اربع تربع لو عندك اطفال وهاتي الخليط من التلاجة وافتحي العيش وحطي الغليط في العيش وافردي كويس في العيش.
- هاتي صينية وورق زبدة وادهني وش العيش بالسمنة بالفرشة الخاصة بتوزيع السمن وبعدين لفي الرغيف في ورق الزبدة وحطيها في الفرن على درجة حرارة 180 .
- هاتي مكونات السلطة الطماطم والخيار والفلفل والخضرة واعملي السلطة عقبال ما تطلعي الحواوشي من الفرن وقطعي خيارة حلقات عشان تزوقي الطبق بيها.
- وطلعي العيش من الفرن من ربع ساعة الي تلت ساعة وحطيها في طبق مزوق بالخضرة والخيار المتقطع حلقات وكرري العيش لحد ما تعمليه كله وقدميه بالهنا والشفا مع طبق سلطة وبطاطس محمرة.
طريقة عمل الحواوشى بالسجق
المكونات :
- ربع كيلو لحمة مفرومة
- ربع كيلو سجق بلدي
- بصلة واحدة مفرومة
- حبة طماطم
- حبة فلفل أخضر
- حبة فلفل ألوان
- ربع معلقة ملح
- ربع معلقة فلفل
- ملعقة صغيرة من البابريكا
- بهارات مشكلة او بهارات حواوشي
- 5 أرغفة عيش بلدي من الفرن
طريقة التحضير :
- هاتي الطماطم واغسليها جيدا، وقطعيها الي مكعبات صغيرة الحجم، وكذلك الفلفل وأغسليه جيدا وقطعية جيدا قطع صغيرة وأيضا البصل قومي بتقشيرة وتقطعيه قطع صغيرة أو بشرة.
- ضعي اللحمة مع البصل والطماطم والفلفل ثم ضعي البهارات والملح والفلفل وقلبي جيدا حتي يصبحوا عجينة واحدة ويتم التجانس.
- هاتي السجق وقومي بتقطعيه حلقات صغيرة او مكعبات حسب الرغبة ، ثم قومي بفتح العيش فتحات من الحرف متوسطة أو بتقطيع الرغيف الي نصفين، لو عندك اطفال يفضل اربع تربع.
- ضعي خليط اللحمة في العيش وقومي بتوزيعه جيدا في العيش، ثم أضيفي عليه قطع السجق المتقطعة حلقات علي وجة اللحم داخل الرغيف بالتساوي.
- قومي بتشغيل الفرن ع درجة حرارة عالية جيدا 360 درجة، ثم قومي بلف رغيف العيش بورق الزبدة ثم ورق الفويل الخاص بالاكل ويمكنك دهن الوجة بالزيت.
- ضعي العيش في الصينية ثم قومي بوضعة في الفرن لمدة نص ساعة او ساعة الا ربع، حتي يتم تسويته جيدا، ثم اخرجي الحواوشي وقدمية سخن مع مخلل وبطاطس محمرة بالكاتشب أو سلطة تونة.
طريقة عمل الحواوشى المصرى
المكونات :
- نص كيلو لحمة مفرومة
- 4 أرغفة عيش أو 5 حسب الاحتياج
- زيت زيتون أو عادي “حسب الرغبة”
- ملعقة واحدة دقيق
- 2 بصلة كبيرة مبشورة او متقطعة صغيرة جدا
- فلفل أخضر رومي أو حار حسب الرغبة
- معلقة صلصة
- معلقة ص ملح
- معلقة ص فلفل
- معلقة ص بهارات حواوشي
- معلقة بقسماط مطحون من الفرن
طريقة التحضير :
- هاتي طبق واغسلي الفلفل الرومي أو الوان أو الحار وقطعية قطع صغيرة الحجم، وهاتي البصل قومي بتقشيرة وتقطعية جيدا قطع صغيرة، او لو عندك كابة قومي بوضع البصل والفلفل في الكابة.
- ضعي اللحمة في طبق غويط بعد اخراجها من التلاجة ثم ضعي عليها الملح والفلفل الاسمر وقومي بوضع الفلفل والبصل بعد تقطيعهم ومعلقة الصلصة.
- قلبي جيدا هذا الخليط وضعي البهارات والبقسماط المطحون والدقيق حتي يكون متماسك والبقسماط حسب الرغبة ضعيه يعطي طعم اخر للحمة.
- قلبي جيدا المكونات كلها مع بعض حتي يتم التجانس، ثم قومي بوضع الخليط في الثلاجة لمدة ساعة،ثم قومي بتقطيع العيش حسب رغبتك يمكنك فتحة الرغيف فتحة صغيرة أو تقطيعة اربع تربع أو نصين.
- ضعي اللحمة في العيش وافرديها جيدا في الرغيف، ثم ادهني وجة العيش بالزيت، و دهن الصينية أيضا بالزيت، وسخني الفرن وضعي الحواوشي حتي ينضج علي درجة حرارة عاليا حتي يصبح لونة ذهبي.
- يمكنك وضع جبنة موتزريلا علي اللحمة حسب الرغبة أو جبنة رومي مبشورة، ويمكنك تقديم البطاطس المحمرة والمخلل وطبق السلطة الخضراء أو سلطة زبادى وطحينة مع الحواوشي.
طريقة عمل الحواوشى بالجبنة
المكونات :
- عيش بلدي حوالي 15 رغيف
- كيلو لحمة مفرومة
- 3 بصلات كبيرة مفرومة او مبشورة
- 3 فصوص ثوم ك
- حبة فلفل ألوان احمر متقطع قطع صغيرة
- حبة فلفل ألوان اصفر متقطع قطع صغيرة
- فلفل أخضر رومي متقطع قطع صغيرة
- معلقة ص فلفل اسمر
- معلقة ص ملح ناعم
- معلقة بهارات حواوشي من العطار
- معلقة ص زعتر
- معلقة ص دبس الرمان من عند العطار
- 2 معلقة ك زيت زيتون
- طبق صغير جبنة موتزاريلا
- كوب جبنة تشيدر
طريقة التحضير :
- قومي بغسل البصل وتقطعية قطع صغيرة الحجم، ثم شوحي البصل في شوية زيت ومعاهم الثوم المهروس بعد ما بتقشرية وتهرسية او تعملية في الكابة.
- هاتي الفلفل الملون وقطعية قطع صغيرة والفلفل الأخضر الرومي وحطية علي البصل علي النار يتشوح مع البصل والثوم، قلبي حتى النضج ثم اتركي الخضراوت حتي تبرد تماما
- هاتي اللحمة المفرومة في طبق وحطي عليها البهارات والتوابل والملح والفلفل والزعتر ودبس الرمان واعجنيهم كويس جدا مع اللحمة حتي تصبح ناعمة.
- قم ثومي بوضع اللحمة علي الخضروات بعد ان تبرد وقلبيهم جيدا ثم قسمي اللحمة 8 كرات متسوية الحجم.
- هاتي العيش بعد ما قطعتيه نصين ادهنية بالفرشة بزيت الزيتون وحطي في كل نصف رغيف كرة من اللحمة ووزعيها كويس في العيش.
- غلفي رغيف العيش بالالمونيوم أو بالفويل وحطي العيش في الصينية ودخليه الفرن عالي الحرارة، لمدة نصف ساعة واخرجي مرة اخري من الفرن.
- اخطلي الجبنة الموتزيلا والشيدر ثم ضعيها علي الحواوشي وهو ساخن بعد اخراجة من الفرن حتي يتم تسيح الجبنة.
- ثم ضعي مرة اخري الحواوشي في الفرن لمدة 10 دقائق حتي تنضج الجبنة علي اللحمة ثم اخرجيها من الفرن وضعي الحواوشي في طبق وقدمية مع السلطة الخضراء وبطاطس محمرة بالكاتشب.
- يمكنك وضع اي نوع من الجبنة تفضليها حسب رغبتك أو الموتزريلا فقط، وعند قيامك بوضع الملح كوني حذرة حتى لا يكون الملح كثير ضعي بحرص شديد وتذوقيه.
معلومات الكاتب
